Af innrivef Orkuveitunnar birt með leyfi OR.

Eins og starfsmönnum er væntanlega kunnugt um geisaði óveður á Vesturlandi síðastliðinn fimmtudag (25. feb) með þeim afleiðingum að Borgarnes bókstaflega fylltist af snjó.

Starfsmenn Ístaks við fráveitu framkvæmdir i Borgarnesi létu það þó ekki aftra sér þegar þeir lögðu í hann upp i Borgarnes snemma a föstudagsmorgni. Ferðin upp i Borgarnes tók langan tíma enda allt strand við Hafnarfjall. Þegar upp i Borgarnes var komið var ljóst að lítið yrði unnið við hefðbundna vinnu þann daginn. Í stað þess að snúa heim tóku Ístaksmenn sig til og aðstoðuðu heimamenn. Gröfur voru nýttar til moksturs, bílar dregnir úr sköflum og handmokað eftir þörfum. Meðfylgjandi eru svipmyndir frá föstudeginum.