Nýr hafnargarður við gömlu höfnina í Reykjavík

Nýr hafnargarður við gömlu höfnina í Reykjavík

image_pdfimage_print

For the sake of viewer convenience, the content is shown below in the alternative language. You may click the link to switch the active language.

Vinna við 2. áfanga Norðurgarðs við gömlu höfnina í Reykjavík er nú lokið. Verkið var unnið fyrir Faxaflóahafnir og HB-Granda og fólst í því að byggja nýjan hafnarbakka fyrir framan frystihús HB-Granda.

Lengd nýja hafnarbakkans er 120 metrar. Verkefni Ístaks voru að rífa gamla trébryggju sem var fyrir, reka niður stálþil fyrir nýjan hafnarbakka, steypa kant á stálþilið ásamt frágangi á pollum, kantré og stigum. Í verkinu fólst einnig vinna við að steypa þekju með snjóbræðslukerfi á milli frystihúss og hafnarbakka. Framkvæmdir hófust í júní 2017 og lauk í september 2018.

Við stálþilsreksturinn var Ístak í samstarfi við móðurfélag sitt Per Aarsleff í Danmörku sem lagði til menn og búnað, en sá hópur hafði nýlokið niðurrekstri á stálþili í verkefni Ístaks á Kleppsbakka þar sem verkkaupi er einnig Faxaflóahafnir. Niðurreksturinn gekk mjög vel og hafði eftirlitsmaður Faxaflóahafna orð á því að hann hafi aldrei séð jafn flott og beint niðurrekið stálþil.

Svona leit hafnarbakkinn út áður en framkvæmdir hófust.

Að loknum framkvæmdum.

Niðurrekstur á stálþilinu gekk vel með aðstoð hóps og búnaði frá Per Aarsleff.