Atuarfik Inussuk í Nuuk valinn skólabygging ársins 2026 í Danmörku. Við hjá Ístaki erum afar stolt að segja frá því að Atuarfik Inussuk nýr grunnskóli í Nuuk hlaut bæði verðlaun almennings og fagfólks í árlegri keppni Nohrcon um skólabyggingu ársins 2026. Skólinn er hannaður fyrir allt að 1.300 börn og er glæsilegt dæmi um hvernig bygging getur sameinað nám, mannlíf og umhverfi. Ístak annaðist byggingu skólans en að baki er krefjandi verkefni á Grænlandi þar sem veður, flutningar, Covid og fjarlægð gera miklar kröfur til skipulags og samvinnu. Við þökkum öllum sem komu að verkinu og óskum þeim innilega til hamingju með þessa verðskulduðu viðurkenningu! Lestu meira (á dönsku) : https://nohrcon.dk/vidensbank/kaaring-af-aarets-skolebyggeri/

Við erum stolt af því að hafa hlotið viðurkenningu um að fyrirtækið sé á meðal 2,6% íslenskra fyrirtækja sem uppfylla ströng skilyrði Viðskiptablaðsins og Keldunnar og er Fyrirmyndarfyrirtæki í rekstri árið 2026.

The body content of your post goes here. To edit this text, click on it and delete this default text and start typing your own or paste your own from a different source.

Við hjá Ístaki erum stolt af því að hljóta Grænu skófluna, viðurkenningu Grænni byggðar, fyrir endurbætur á Sögu. Viðurkenninguna hljótum við í samstarfi við Fasteignir Háskóla Íslands og Andrúm arkitekta fyrir að hafa tekið eina þekktustu byggingu Reykjavíkur í gegn og gefið henni nýtt hlutverk á vistvænan og sjálfbæran hátt. Verðlaunin voru afhent á Degi Grænni byggðar í byrjun október, en þetta er í annað sinn sem sérstök viðurkenning er veitt fyrir endurnýjun mannvirkja. Þegar verkið hófst snemma árs 2022 var Saga hótel, en nú hýsir byggingin starfsemi Háskóla Íslands og 111 stúdentaíbúðir. Í stað þess að rífa og byggja nýtt var ákveðið að nýta það sem fyrir var. Með því sparaðist bæði efni og orka, og minna af úrgangi fór til förgunar. Alls voru um 14.000 fermetrar teknir í gegn og stóðu framkvæmdir fram á þetta ár. Í verkinu voru um 4.300 tonn af efni fjarlægð úr húsinu. Starfsfólk okkar á verkstað flokkaði efnið jafnóðum og skilaði sú vinna því að um 68% fór í endurvinnslu og 24% í orkunýtingu, þannig að aðeins lítið brot endaði í förgun. Í umsögn dómnefndar segir að verkefnið sýni með skýrum hætti hvernig hægt sé að lengja líftíma stórra mannvirkja, nýta fyrirliggjandi byggingarauðlindir og skapa nýtt gildi án þess að byrja frá grunni. Saga sé sterkt fordæmi fyrir endurnýtingu og aðlögunarhæfni núverandi byggðar. Grænni byggð eru félagasamtök sem hafa í rúmlega 15 ár unnið að því að efla umhverfisvitund og grænar lausnir í byggingariðnaði, og því er viðurkenningin okkur sérstaklega kær. Árangurinn byggir á góðu samstarfi við Fasteignir Háskóla Íslands og Andrúm arkitekta frá fyrstu stigum verksins. Við þökkum þeim og öllu því starfsfólki sem kom að verkinu fyrir vel unnin störf.

Föstudaginn 2. október náðist stór áfangi hjá Ístaki í Vaðölduveri, vindorkuveri Landsvirkjunar, þegar 28. og jafnframt síðasta vindmylluundirstaðan var steypt. Fyrsta undirstaðan var steypt 15. september 2025 og hefur því tekið rétt rúmt ár að steypa þær allar. Það er frábær árangur, ekki síst þegar litið er til krefjandi aðstæðna á hálendinu. Gerð hverrar undirstöðu er mikið nákvæmnisverk. Í hverri þeirra eru 80–90 tonn af bendistáli og um 450 rúmmetrar af steypu, sem samsvarar 50-60 steypubílsförmum sem dælt er í mótin í einni samfelldri lotu. Á þessu rúma ári hafa alls verið notaðir um 13.000 rúmmetrar af steypu og 2.300 tonn af bendistáli í verkinu. Til að setja það í samhengi samsvarar steypumagnið um 1.600 steypubílsförmum og nægir til að steypa um 100 einbýlishús. Nú er kapp lagt á að ljúka frágangi jarðvinnu áður en veturinn skellur á. Verkið er vel á undan áætlun, en áætlaður verktími er til september 2027. Í tilefni áfangans var slegið upp veislu í mötuneytinu í Vaðölduveri þar sem boðið var upp á glæsilega köku frá Almari bakara í Hveragerði. Kakan var nokkuð nákvæm eftirlíking af undirstöðu í mælikvarðanum 1:20. Þetta verkefni er frábær viðbót við langa og farsæla sögu Ístaks í uppbyggingu orkumannvirkja á Íslandi

Ístak semur við First Water um framkvæmdir við lok uppbyggingar á fyrsta áfanga landeldisstöðvar í Þorlákshöfn Ístak hefur undirritað samning við First Water um umfangsmiklar framkvæmdir á athafnasvæði fyrirtækisins í Þorlákshöfn. Verkefnið er liður í því að ljúka fyrsta áfanga landeldisverkefnis First Water, en með framkvæmdunum tvöfaldast árleg framleiðslugeta stöðvarinnar, úr 5.000 í 10.000 tonn. Verkefnið sem Ístak tekur að sér felur í sér uppbyggingu kerja- og stjórnbyggingar sem mun hýsa átta eldisker, hvert um 5.500 rúmmetra að stærð, ásamt tilheyrandi tæknibúnaði. Umfang verksins Samningurinn nær yfir jarðvinnu, lagnir, uppsteypu, stálvirki og utanhúsfrágang. Framkvæmdir hefjast á næstunni og er gert ráð fyrir að þær taki 16–18 mánuði, með áætluðum verklokum á fyrsta ársfjórðungi 2028. „ Uppbygging First Water er metnaðarfullt og tæknilega krefjandi verkefni sem fellur vel að reynslu og þekkingu Ístaks. Við erum stolt af því að taka þátt í þessum mikilvæga áfanga og hlökkum til góðs samstarfs við First Water við framkvæmdina, “ segir Karl Andreassen, forstjóri Ístak. „ Samningurinn við Ístak er stór og mikilvægur áfangi í uppbyggingu First Water. Með framkvæmdunum ljúkum við fyrsta áfanga verkefnisins og tvöföldum núverandi framleiðslugetu. Það er ánægjulegt að fá öflugt íslenskt verktakafyrirtæki með mikla reynslu af flóknum framkvæmdum til samstarfs við okkur, “ segir Einar Örn Ólafsson, forstjóri First Water. Um er að ræða fyrsta áfanga af sex í landeldisstöð First Water í Þorlákshöfn.

Fyrsti skóladagurinn er alltaf sérstakur en í Nuuk, Grænlandi var góð ástæða til að fagna þetta árið. Skólabörnin I Nuuk gátu loks stigið inn í glænýjan og langþráðan skóla sinn – Atuarfik Inussuk. Ístak hefur verið alverktaki við byggingu skólans, en um er að ræða risavaxið samfélagsverkefni í miðbæ Nuuk. Skólinn mun þjóna um 1.200 börnum auk þess er sérbygging fyrir leikskóla fyrir 120 börn. Heildarstærð byggingarinnar er um 18.000 fermetrar en Ístak sá einnig um frágang á allri skólalóð og bílastæðum. Framkvæmdin var gríðarlega efnismikil og fóru til dæmis rúmlega 5.700 rúmmetrar af steypu, 24.000 fermetrar af mótum og 518 tonn af járnbendingu í verkið. Kennileiti í landslaginu Nafnið Inussuk þýðir „varða“ á grænlensku – manngerðu grjóthrúgurnar sem í gegnum kynslóðir hafa þjónað sem kennileiti í landslaginu. Nafnið var valið af íbúum Nuuk og passar á margan hátt fallega við metnað nýja skólans: Að verða áfangi fyrir Nuuk og leiðarljós fyrir nemendurna á þeirra menntabraut. Við hjá Ístaki óskum Nuuk og öllum nemendum skólans innilega til hamingju með þessa glæsilegu nýju byggingu.